Ich möchte mich mal kurz vorstellen ...
Über mi – mit Herz, Gfühl und da Kamera im Gepäck
Griaß di! I bin die Bianca oder Bibi, 40 Johr jung, aus’m schönen Österreich in St. Valentin kum i. Lebn dua i seit boid 7 Johr im schönen Oberfranken bei Küps. Hob mi do mit mei´m Max und unserm Sohn Ferdinand und unseren liebn Vierbeinern auf an klan Hof niederlossn – und i hob scho seit vielen Johr’n die Kamera an meiner Seite. Wos als Hobby g’startet hat, is mit da Zeit zur echten Leidenschaft word’n und späta zum Beruf. Die Fotografie mit Herz und Hirn – für Mensch und Tier. Ursprünglich hob i Pferdewirtin gelernt und wor a lang im Pferdesport tätig. Jetzt genieß i die Zeit mit meiner Spanischen Stute und seit 10,5 Jahren is a mei Wolfshundedame ima an meiner Seitn.
I lieb’s, wenn’s echt is. Wenn’s ehrlich is. Wenn ma die Verbindung zwischen Mensch und Tier spürt, wenn a Lächeln net aufgsetzt is, sondern von ganz innen kummt. Genau des versuach i mit meine Fotos eizfaunga – und des gelingt am besten, wenn ma einfach sein darf, wia ma is.
Ob a kuscheligs Haustier, a verspielter Vierbeiner, a liebevolle Familien-Momentaufnahme oder a ganz persönliches Portrait – i bin dabei, mit’m richtigen Blick fürs Wesentliche und a g’sunde Portion Feingfüh.
Bei mir musst net posen oder perfekt sein – sei einfach du. I schaff a lockere, angenehme Atmosphäre, wo ma lacht, tratscht und nebenbei wundervolle Erinnerungen entstehen.
Wennst also auf der Suche bist nach authentischen Fotos mit Herz, a bissl Schmäh und ganz vü Gfühl – dann meld di gern bei mir. I freu mi drauf, di, deine Lieblingsmenschen oder Tiere vor meina Kamera zu begrüßen!
Herzlichst eicha Bianca
